رواية طفل الفصل الاول 1 بقلم هدى حسام

رواية طفل البارت الاول

رواية طفل الجزء الاول

رواية طفل الحلقة الاولى

كُنت قاعده في الحضانة بشتغل عادي لقيت “علي” رافع راسُة للسقف وِبيحرك شفايفُة بس دماغُة كإنها مدبــ.وحة حرفيًا ..
قعدت اهز فِـي لحد ما نزل راسُة براحة وِ إبتسم إبتسامة مُرعبة وِ قال ..
– اهلًا يا حنــان ..
بصيتلُة بِرُعب صوتُة كإنُه صوت راجل عجُوز فوق الخمسين سنة !! , إتصرفت عادي وِقُلا دا طفل وِبيحب يهزر جية معاد المِرواح روحت العيال كُلهم واخدت أخويا وِمشيت … تاني يوم كان عادي بس اخوات “علي”مَجوش ياخدُه فَـ اضطريت أروح اخويا وِبعدين أروح “علي” .. وِصلت قُدام بيتهُم كُنت لسة هسيبوا وِ همشي بس بعدين افتكرت صاحبة الحضانة وِهي بتتكلم عن إن “علي” بيمشي لوحدُه وِ اخواتُة وِ أُمه بيفضلوا يدوروا علية قُلت يمكن الواد أمشي من هنا وِهو يمشي من هنا واتحمل مسئولية انُه مشي .. فَـ اخدتُة وطلعنا قعدت انهج شقتهُم في الدور “6” لقيت “علي”وِقف ع السلم اللِ مش منورُه حاجة غير اضائة الشمس البسيطة لقيتُة وِقف وقال ..
– شيليني ..
رديت:أشيل إيه أنا قادرة اطلع …
– بقولك شيليني .
: يابني إطلع تعبت !!
بصوت رجولي مُرعب : قُلت شيليني !!!
أعصابي سابت وأنا سامعة نبره صوتُة اللِ اختلفت تمامًا ..
إزاي!! .. شيلتُة وطلعت وأنا ساكتة خبطت لقيت أُختة بتفتح..
– ايه دا ميس حنان ! اتفضلي ماما كان نفسها تكلمك وتشوفك أصل علي مبيبطلش كلام عنك ..
إبتسمت ودخلت لقيت واحده قاعده ع كُرسي وقُدامها كوبايتين شاي لاحظت وِجودي فَـ قالت ..
– إتفضلي يا حنان أقعُدي ..
قعدت ع الكُرسي اللِ قُدامها .. قعدت تتكلم معايا شوية بعدين كلامها قلّب ع “علي” ..
– بُصي أنا عارفاه أوقات بيكُون مُخيف سوية بس اتعاملي معاه طبيعي وِهو هيحبك ..
قعدت تتكلم معايا شوية بعدين إستئذنت وِ مشيت روحت البيت وأنا تعبانة نمت وصحيت ع صوت نُوفتيكيشن التليفون لقيتها رسالة واتس آب .. فتحتها لقيت مُحتواها ..
« إبعدي عن علي نهائيًا هيموتك هيعمل فيكي حاجات وِحشة وِابعدية عن اخوكي .. »
حاوِلت أبعت لِ صاحب الرسالة لكن مليش ردّ فجأه سمعت صوت “علي” وِ أخويا بيضحكوا أوي لقيت رسالة تانية ..
« إبعدي علي عن اخوكي قبل فوات الاوان !!! »